Wobrazy za wupokaz nětko w zarjadniskim zwjazku digitalnje nastawaja

Pančicy-Kukow (SN/MWj). Za nowy personalny wupokaz abo pućowanski pas trjebaš hižo wot meje digitalny wobraz. Tón je dotal fotograf zhotowił. Wot njeho sy QR-code dóstał, z kotrymž móžeše přizjewjernja w komunalnym zarjadnistwje wobraz přewzać. We wuwzaćnych padach sy dokument tež z wućišćanym wobrazom skazać móhł. Tónle přechodny čas pak je nětko nimo - znajmjeńša w zarjadniskim zwjazku Při Klóšterskej wodźe w Pančicach-Kukowje. Tam dóstachu minjeny tydźeń nastroj, z kotrymž wobydlerja hnydom na městnje fotografuja.