Zakładne wukubłanje młodych dobrowólnych wohnjowych wobornikow z gmejnow zarjadniskeho zwjazka Při Klóšterskej wodźe wotměwa so nětko prěni raz w Smječkecach.
Smječkecy (SN/MWj). Před gratownju Smječkečanskeje wohnjoweje wobory sy minjeny tydźeń młodych ludźi wobkedźbował, kotřiž zwučowachu woheń hašeć a z ručnymi hašakami wobchadźeć. 14 młodych muži a žonow z Pančic-Kukowa, Miłocic, Njebkelčic, Róžanta a Jitra so tam tuchwilu na zakładnym wukubłanju wohnjowych wobornikow wobdźěla.
