Projekt Tomaša Čornaka pokročuje – to jutře w Njebjelčicach swjeća

Njebjelčicy (SN/mb). „Njebjelčanka“ je w Miłočanskej skale hižo na prěnjej mjezynarodnej dźěłarničce lěta 2006 nastała. Tuchwilu so tam hač do kónca měsaca 19. dźěłarnička socharjow wotměwa. Štyri metry dołhu ležacu skulpturu z drjewa topoła, kotraž je žołtao, je sochar Olaf Klepzig z Rabenaua stworił. Sobotu popołdnju ju Klepzig w Njebjelčicach załožbje „wnučkokmanosć“ přepoda. To stanje so składnostnje swjedźenja podpěraćelow załožby, kotruž je Tomaš Čornak iniciěrował (Serbske Nowiny su rozprawjeli). Załožba, kotraž je w procesu załoženja, je dotal podpěru wot 150 ludźi z cyłeje Němskeje a zwonka njeje dóstała.