Schrift vergrößern
Wot julija 2025 je awtonomny bus mjez Klětnjanskim dwórnišćom a Bjerwałdskim jězorom po puću. Minjeny pjatk je sakska statna ministerka za infrastrukturu a wuwiće kraja Regina Kraushaar (CDU) bus testowała. Nimo njeje so tež krajny rada dr. Stephan Meyer (CDU), Hamorski wjesnjanosta Hendryk Balko (wólbne zjednoćenstwo Hamor) kaž tež dalši zastupjerjo projekta na testowej jězbje wobdźělichu. Enrico Beckel (na foće) je jich přewodźał a so wo wěstotu starał. Foto: SN/Bojan Benić
Klětno (SN/VaŽ). Sakska statna ministerka za infrastrukturu a wuwiće kraja Regina Kraushaar (CDU) je so minjeny pjatk na testowej jězbje z awtonomnje jěducym busom při Bjerwałdskim jězoru wobdźěliła. Bus WALEMO, kotryž ćěrjenje z wodźikom, lochkotwar a awtonomne jězdźenje kombinuje, zo by bliskowobchad we wjesnych kónčinach polěpšił a tak mjenowanu „prěnju a poslednju milu“ zaručił, je dźěl projekta strukturneje změny.
