Kak woswjećiš dobyće koparskeho mišterstwa? Pola Sokoła Ralbicy/Hórki su so „stari knježa“ (abo „stara garda“, kaž je nawoda Jan Hrjehor złožujo so na čěske wašnje prajił) rozsudźili, Prahu wopytać. Dźewjatnaće zmužitych je sobotu, 8. nazymnika, do Serbskeho seminara dojěło. Skupina nóžkuje přez Karlowy móst na druhi bok rěki do Stareho města, hdźež změje nóclěh. „Lukášo, sy ty připadnje w měsće po puću?“, prašeja so někotři. „Ně, wšako mamy program přihotowany. Poskiću wam najlěpše piwo w Praze.“ Wokomik pozdźišo sedźimy w gotiskej pincy hosćena U Vejvodů.