Zajimowane kubłanišća měli so ruče přizjewić
Stróža (SN/MWj). Zarjadnistwo biosferoweho rezerwata Hornjołužiska hola a haty zahaji lětsa projekt „Šule a pěstowarnje po puću w biosferowym rezerwaće“, z kotrehož pomocu ma so šulskim rjadowanjam a pěstowarskim skupinam wobdźělenje na kubłanskich poskitkach Doma tysac hatow w Stróži zmóžnić. Projekt traje dwě lěće. Wot lěta 2012, jako běchu informaciski centrum wotewrěli, poskićuja tam kubłanske programy wo přirodźe a wo wuznamje naslědneho hospodarjenja w krajinje hole a hatow.
