W Sakskej lětsa wjace smjertnych woporow korony hač gripy dla

Drježdźany/Wojerecy/Njeswačidło (SN/MiP). Najebać diskusije kołowokoło přewulkeje ličby choropisanjow mjez dźěłacymi ludźimi w kraju, kotruž běše kancler Friedrich Merz (CDU) wóndano nastorčił, su mnozy ludźo w tutych tydźenjach cyle „realnje“ chori. Ličby schorjenjow influenca-wirusa dla su lětsa wot spočatka lěta wosebje spěšnje stupali. Porno tomu je ličba schorjenjow na koronu, kotraž bě loni nazymu spěšnje stupała, w januarje konstantnje woteběrała.