Smochćicy (SN/MWj). „Najebać wšeho ... za cyrkej rady skutkować“ rěka hesło lětušeho póstneho seminara w Smochčanskim kubłanišću swjateho Bena. Kaž zarjadnišćo zdźěli, přewjeduja seminar mjeztym 30 lět. Lětsa wotměje so wot 23. februara hač do 16. měrca stajnje póndźelu wot 19.30 hodź.
23. februara předstaja wuslědki naprašowanja mjez křesćanami, kotrež su prěni raz ekumenisce přewjedli. Wo tym porěči dr. Tobias Kläden z Erfurta pod hesłom „Mjez eroziju a relewancu – wo wuslědkach 6. naprašowanja čłonow cyrkwje“. 2. měrca wěnuje so dr. Eberhard Tiefensee z Lipska temje „Pokleće abo žohnowanje – sekularizowanje wčera a dźensa“. Mjez druhim zaběra so z prašenjom, hač sekularizowanje tež šansy skići. Napismo třećeho wječora, 9. měrca, je „Wosady w zazběhu – wěru a cyrkej znowa žiwi być“. Dr. Benjamin Stahl a Marlen Rüdiger z Großhartauwa kaž tež Norman Reitner z Drježdźan rozprawjeja wo cyrkwinskich projektach, kotrež spožčeja nadźiju do přichoda. Jako zakónčenje přewjedu 16. měrca filmowy wječor.
