Kamjenc (SN/MWj). Lětuši program zarjadowanjow w Kamjenskej Lessingowej bibliotece, kiž su zhromadnje ze spě­chowanskim towarstwom, Kamjenskim stawizniskim towarstwom a měšćanskej dźěłarnju zestajili, saha wot čitanjow a přednoškow přez stajne knižne blido hač k njewšědnym prezentacijam na widejosćěnje. W februaru wěnuja so stawiznam někotrych dźělow města Kamjenca, zdźěli nawodnica biblioteki Marion ­Kutter. Dale přihotuja tak mjenowany poetry-slam kaž tež čitanje bywšeho šulerja Lessingoweho gymnazija. W prěnim kwartalu podadźa so nimo toho na slědy wobrónjenych jěcharjow w srjedźowěku. Pokročować chcedźa lětsa swój woblubowany rjad pod hesłom „Słowa a wino“. Přehlad wšitkich dotal planowanych zarjadowanjow nadeńdu zajimcy internetnje pod .