Běła Woda (AK/SN). Měšćanske zarjadnistwo Běłeje Wody najprjedy raz nikoho přistajić njesmě. Wažne dźěłowe městna smě jenož wobsadźić, hdyž měšćanska rada tomu přihłosuje. Dale ma město eksternej firmje za management a komunalne poradźowanje nadawk dać, hospodarski strukturny koncept za Běłu Wodu zdźěłać a zarjadnisku strukturu přepruwować. Zo móhli tole zapłaćić, maja so wo spěchowanje prócować. Tole je měšćanska rada na swojim zašłym posedźenju wobzamknyła a z tym namjetej frakcije AfD wotpowědowała.