Šulerjo Pančičanskeje zakładneje šule přewzachu manežu projektoweho cirkusa „Hein“
Pančicy-Kukow (SN/CeK). Smjeće, přiklesk a zadźiwane mjezwoča: Spočatk tydźenja bě so ležownosć serbskeje zakładneje šule Ćišinskeho w Pančicach-Kukowje do woprawdźiteho cirkusoweho swěta přeměniła. Cirkus „Hein“, kotryž bě w Pančicach hižo třeći raz z hosćom, přewjedźe z dźěćimi znowa wosebity projektowy tydźeń. Cyłkownje 124 šulerkow a šulerjow so na projekće wobdźěli a z dźělom wulkeho cirkusoweho swěta sta.
