Čorny Chołmc (SN/MWj). „Mła samotnosće“ rěka titul lětušeje lěćneje produkcije stawizny wo Krabaće, kaž jednaćel Anton Fuchs zdźěli. Njedźelu, 12. apryla, wot 11 hodź. přewjedu na terenje Čornochołmčanskeho Krabatoweho młyna za to wulki casting za statistow a komparsow. To je mjeztym třeći dźěl wuspěšneje dźiwadłoweje produkcije w režiji Krabatoweho młyna. „Byrnjež so stawizna w tymle lěće tematisce ze samotnosću a ćmu zaběrała, je inscenacija tole žiwa wot mnohostronskosće a energije angažowaneho ludoweho ansambla“, praji Anton Fuchs.