Lejno (MDź/SN). Župa „Michał Hórnik“ Kamjenc je wutoru wjesnych chronikarjow do Lejnjanskeho hosćenca přeprosyła. Po lońšim wozrodźenju koła bě to jeho druhe zetkanje, rozłoži županka Diana Wowčerjowa. Hosćo běchu Anna Měrćinowa, Marhata Deleńkowa a Wito Bejmak ze Serbskeho instituta. Pod hes­łom „Žórła namakać a stawizny pisać“ předstajichu woni Serbsku centralnu biblioteku, Serbski kulturny archiw a dalše žórła, z kotrychž móža chronikarjo při swojim dźěle čerpać.