Srjedźowěkowski wobstatk biblioteki klóštra systematisce přeslědźili

Pančicy-Kukow (SN/MWj). W bibliotece a archiwje klóštra Marijina hwězda w Pančicach-Kukowje chowa so drohotny wobstatk knihow a wopismow, kiž pochadźeja zdźěla z časa załoženja klóštra srjedź 13. lětstotka. Prěni raz je nětko skupina slědźerjow z Drježdźan a Lipska srjedźowěkowski wobstatk knihow a wopismow systematisce přehladała. Wutoru su wědomostnicy zajimcam wuslědki swojeho slědźenja w Čerwjenej žurli klóštra předstajili.