Malešecy. Krasny nalětni koncert poskići so předwčerawšim w Malešanskej cyrkwi. Domowinska skupina bě sej přeprosyła dźěći z Malešanskeje pěstowarnje a chór Židźino. Dźěći Witaj-pěstowarnje „K wódnemu mužej“ ze wsy postrowichu w prěnim dźělu koncerta wopytowarjow w pisanej drasće ewangelskich Serbowkow Budyskeho kraja a ze šěsć serbskimi spěwčkami, kotrež ze swojej kubłarku Milenku Winterowej w porjadnej serb­šćinje přednjesechu. Sylny aplaws bě jim wěsty.