Pytaja-li w Trjebinje někoho, kiž so gratu přima a so za swoju wjes zasadźuje, jewi so často mjeno René Mettke. Wón w Trjebinje jeničce njebydli, ale je za wjes a region žiwy. Hač skutkujo pola dobrowólneje wohnjoweje wobory, w towarstwowym žiwjenju abo za serbsku kulturu: Angažement za swoju domiznu ćehnje so kaž čerwjena nitka po jeho žiwjenju.

Serbšćina je při tym dołhi čas skerje zakrytu rólu hrała. Jako dźěćo zdaše so wona jemu kaž tajna rěč, kotruž we wsy jenož někotři wobknježachu. Jednotliwe zapřijeća kaž „kromička“ drje słušachu cyle samozrozumliwje do wšědneho dnja, wjele druheho pak wosta jemu njedodnite.

Formowali běchu Renéja Mettke powědki jeho serbskeju wowkow ze Slepoho a z Čelnoho. Wonej budźeštej w nim zajim za stawizny a kulturne korjenje regiona.­ Wot lěta 2011 so René Mettke tohodla tež w Domowinskej skupinje angažuje.­