Twarnišća dla hač do tři štwórćiny mjenje wobrota měli
Budyšin (UM/SN). Mjeno Frick so z Budyskeho drobnowikowanja bórze zminje. Wobchod na Wósporskej dróze 31. oktobra zawrěje. Z tym zhubi Budyšin po nimale dokładnje 30 lětach fachowe předawanišćo přestrjencow, tapetow, zawěškow a škita před słóncom. „Zawrjenje wobchoda je dźěl dramatiskeho wuwića, kotrež tuchwilu wjele wikowarjow potrjechi“, praji Sabine Hartwig, rěčnica předewzaća RH Homestyle z Bitterfelda, kiž Budyske předawanišćo wjedźe. „Wjele wobchodow je so hižo zhubiło, dalše budu slědować. Přičiny su wysoke zawodowe wudawki, personalne kóšty a přiběrace wikowanje w interneće.“
