Strowota njeje samozrozumliwa. Kóždy je wjesoły, hdyž ju ma. Što pak móžeš za swoju strowotu činić? Z tym zaběra so serija Serbskich Nowin, za kotruž wjacori awtorojo pisaja. (14)

(Pokročowanje z 29. septembra 2026)

Šćěpjenja su najskutkowniša a kóšty nastupajo najefektiwniša prewentiwna naprawa moderneje mediciny. Wysoke kwoty šćěpjenja přetorhnu infekciske rjećazy. Z tym ludźi škitaja, kotrychž njemóžemy­ šćěpić: ćěšenki abo ludźo z wosłabnjenym imunitnym systemom. Z konsekwentnymi šćěpjenskimi programami smy w Europje chorosće kaž dźěćacu spinalnu mortwicu (polio) hižo wutupili. W USA su nimo toho tež wosypicy a spalnički oficialnje eliminowali a po cyłym swěće su jětra (Pocken) wutupjene. Tak su šćěpjenja wot 1974 smjertnosć ćěšenkow wo něhdźe 40 procentow znižili.