Prezident Serbskopazličanskeho karnewaloweho towarstwa Lukas Wätzig je lětsa zastojnstwo swojeho dźěda přewzał, kotryž je nawodnistwo do młódšich rukow dał. Tuž bě wulka překwapjenka zašłu sobotu w Njebjelčanskej Bjesadźe k zahajenju 55. karnewaloweje sezony WCV wulka, jako bě Lukas Wätzig něhdyšeho prezidenta Daniela Wätziga, jeho mandźelsku Adelheid a dworowu damu Sabinu Hübenthalowu počesćił. Foto: Angelika Krječmarjowa
W Serbskich Pazlicach kaž tež w Kulowje zaso nory knježa
Serbske Pazlicy (AnK/SN). Zdypkom w 11.11 hodź. zahajichu Serbskopazličanske nory 11. nowembra lětuši „pjaty počas“ a z tym karnewalowu sezonu. Princ Metod I. a jeho princesna Leńka I. přijimaštaj w Njebjelčicach symboliski kluč gmejny. Jubilejnu 55. a tuž sezonu palencoweje ličby woswjeća w februarje z wurjadnym posedźenjom.