Teslu do Kamjenca wabić
Palo Alto/Kamjenc. Sakska chce Teslu wabić, w Kamjencu zawod baterijowych bańkow twarić. Dokelž chce ameriski twarc elektroawtow w Europje inwestować, bě jemu sakski statny sekretar Hartmut Mangold při rozmołwach w Kaliforniskej Kamjenc namjetował, rozprawja MDR. Zasydlenje móhła Sakska z hač do 15 procentami spěchować. Tesla zhotowja jako jenički zawod e-awta z dosahom (Reichweite) wjac hač 400 kilometrow.
Literarne myto Drježdźanjance
Drježdźany. Sakske literarne myto 2016 dóstanje Drježdźanska spisowaćelka Franziska Gerstenberg. 5 500 eurow hódne myto spožča 37lětnej za socialnokritisku twórbu „Tak dołho po tym – dawno hižo njewěrne“. To zdźěla ministerstwo za wuměłstwo w Drježdźanach. Gerstenberg běchu hižo wospjet wuznamjenili, mjez druhim lěta 2013 ze Lessingowym spěchowanskim mytom.
18 awtow wobškodźenych