Berlin (dpa/SN). Po wulkich demonstracijach přećiwo rasizmej minjeny kónc tydźenja jewja so přiběrajcy žadanja za nowe koncepty tajkich wulkozarjadowanjow. W Berlinje žadataj sej předsydka frakcije Zelenych Antje Kapek a nutřkowny politikar SPD Tom Schreiber jasne prawidła za přichodne demonstracije.
Na sobotnu demonstraciju na Berlinskim Alexanderowym naměsće bě něhdźe 15 000 ludźi přišło, wjele wjace hač wočakowane. Za přichodny kónc tydźenja su dalše zarjadowanja planowane. Njedźelu chce zwjazk „Njedźělomne“ z wulkim čłowječim rjećazom přećiwo socialnej njesprawnosći a rasizmej protestować. 20. junija wotměje so wulka demonstracija na Podstupimskim naměsće přećiwo přiběracym podružam.