Krótkopowěsće (09.12.21)

štwórtk, 09. decembera 2021
artikl hódnoćić
(0 )

Zaso wjac natyknjenjow

Budyšin. Po 960 natyknjenjach z koronawirusom a dalšim smjertnym padom, wo kotrychž je Budyski krajnoradny zarjad­ wčera informował, je incidencna hódnota po Roberta Kochowym instituće w Bu­dyskim wokrjesu dźensa z 1 225,5 zaso wyša. Za wokrjes Zhorjelc mjenuje RKI indicencu 822,6. Tam su wčera 697 dalšich infekcijow zwěsćili.

Załožba wuměłske twórby kupiła

Budyšin. Załožba za serbski lud je wjacore twórby štyrjoch wuměłcow kupiła, kotrež běchu eksponaty wosebiteje wustajeńcy „Wobrazy krajiny – Přechod 03“. Mólba Michaela Kruscheho „Sinfonija Łužicy“ pyši přichodnje běrow direktora załožby Jana Budarja, instalaciju Frauke Rahr „Wopyt w domiznje“, rjad fotow „Agon“ Jošta Franka a wuběr Helle Stoleckojc dóstanje Choćebuski Serbski muzej jako trajne požčonki.

Spěchowanje kiwa

wozjewjene w: Krótkopowěsće
Prošu přizjewće so, chceće-li komentar podać

nawěšk