Krótkopowěsće (06.02.23)

póndźela, 06. februara 2023
artikl hódnoćić
(0 )

Chedźa muzej saněrować

Wojerecy. Zarjadnistwo wokrjesa Budyšin planuje, w lěću wobšěrne saněrowanje Konrada Zusoweho kompjuteroweho muzeja ZCOM zahajić. Tuchwilu dźěła institucija pod nuzowymi postajenjemi. Dohromady chcedźa něhdźe sydom milionow eurow nałožować, kotrež přewostaja po wjetšinje Zwjazk z fondsa za zesylnjenje strukturow.

„Pomniki adoptować“

Drježdźany. Rjadownje, kursy a wuknjenske skupiny wšěch šulskich družin móža so wotnětka projektowe ideje nastupajo kulturne pomniki w Sakskej wo premiju zapodać. Kultusowe ministerstwo a krajny zarjad za pomnikoškit stej mjeztym 29. wubědźowanje krajneho programa „PEGASUS – šule adoptuja pomniki wupisałoj, požadanje je hač do 7. junija móžne.

„Bonnie a Clyde“ za Ukrainu

Praha. Čěska narodna banka je Ukrainje dwě pancerowanej jězdźidle, pomjenowanej „Bonnie“ a „Clyde“, dariła. Awće, wužiwanej za transport pjenjez, budźetej po přetwarje za transport ćežko ranjenych wojakow zasadźenej. Posrědkowar awtow je fonds „Darik za Putina“, kotryž w Čěskej pjenjezy na dobro wojowaceje Ukrainy hromadźi.

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND