Krótkopowěsće (17.05.24)

pjatk, 17. meje 2024
artikl hódnoćić
(0 )

Domowina namołwja wolić hić

Budyšin. Z namołwu, na komunalnych, Europskich a krajnosejmowych wólbach so wobdźělić, je so prezidij Domowiny za serbsku zjawnosć wobroćił. „W demokratiji smě kóždy sobu skutkować. Tohodla je trěbne, zo zasadźamy so ze swojim hłosom za towaršnosć, kotraž so přez tolerancu, mjezsobny respekt a mnohotnosć wuznamjenja“, rěka we wčera wozjewjenej namołwje.

Z Mytom Viadriny počesćeny

Frankfurt nad Wódru. Z 23. mytom Viadridny je Europska uniwersita Frankfurt nad Wódru wčera němskeho politologu a bywšeho direktora Němskeho historiskeho instituta we Waršawje, prof. dr. Klausa Ziemera, počesćiła. Lawreat je hižo lětdźesatki znaty jako wupokazany znajer a wuběrny analyst němsko-pólskich poćahow.

Weber nachwilny intendant

wozjewjene w: Krótkopowěsće
Prošu přizjewće so, chceće-li komentar podać

nowostki LND