Dźesaćitysacy na zahajenju

Kamjenica. Něhdźe 80 000 hosći zličichu předwčerawšim na zahajenju lěta Kamjenicy jako kulturneje stolicy Europy. Zwjazkowy prezident Frank-Walter Steinmeier podšmórny na hłownej ceremoniji, zo měli „z rozdźělow wuknyć, zhromadnje něšto do přichoda sahace wuwiwać a demokratiju skrućić“. Programy předstajichu mjez druhim Bosse, Fritz Kalkbrenner a Gunderman-Ensemble.

Předstaji twórby w Okcitanskej

Montpellier. Składnostnje swjatočnosće k Němsko-Francoskemu dnjej 22. januara přebywa serbska filmowča Grit Lemke wot dźensnišeho do štwórtka w Montpellieru, měsće w Okcitanskej na juhu Francoskeje. Tam předstaji mjez druhim swojej filmaj „Gundermann Revier“ a „Pola nas rěka wona Hanka“. Naposledk mjenowany pask je oficialny němski přinošk na swjatočnosći.

Premjera ptačeho kwasa