Wo přichodźe wuradźowali

Morawa. Marko Kowar a Katharina Jurkowa staj so dźensa z kopicu nadawkami wot štyridnjowskeho zetkanja CIOFF-sektora sewjerna a srjedźna Europa nawróćiłoj. W swětowej organizaciji CIOFF so tuchwilu generaciska změna wotměwa. Ćežišćo sektoroweho zetkanja bě, kak móhli wjac folklornych cyłkow a festiwalow do organizacije zapřijeć, wosebje dźěćace a młodźinske skupiny. Dale dožiwi delegacija tradicionalny morawski nałožk, jěchanje kralow we Vlčnovje.

Forum klětu znowa zarjaduja

Budyšin. Na prěni serbopolitiski forum je sobotu krajne dźěłowe zjednoćenstwo Serbska Lěwica přeprosyło. Jeje rěčnik Axel Arlt zdźěli našemu wječornikej, zo bě zetkanje „dosć informatiwne“. Přiwšěm wón wobžaruje, zo je so jenož mało ludźi na njezjawnej wuměnje wobdźěliło. Klětu chcedźa forum znowa zarjadować.

Komdźenje mamutow dla