Produkuja baterije za nowe awto

Kamjenc. Předewzaće Accumotive w Kamjencu je wčera produkciju noweje serije baterijow za awto zahajił. Při tym jedna so wo dospołnje elektriske awto Mercedes-Benz CLA. Sakski ministerski prezident Michael Kretschmer (CDU) bě k tomu do zawoda přijěł a sej inowatiwnu technologiju chwaleše.

Sakscy piwarcy stawkuja

Drježdźany. W zwisku z tuchwilnymi tarifowymi jednanjemi chcedźa sobudźěłaćerjo wjacorych sakskich piwarnjow přichodne dny stawkować. Dźěłarnistwo branše piwarcow NGG žada sej za přistajenych w Sakskej a Durinskej zwyšenje zasłužbow wo sydom procentow. Piwarnje pak dotal tarifowy poskitk předpołožili njejsu, praji Uwe Ledwig, nawoda jednanjow za NGG. Niwow zasłužbow we wuchodźe je wo wjacore sta eurow niši hač zwjazkowy přerězk.

Bjarnat Krawc na dwórnišću?