Wotškódnjenje LEAG schwalili

Choćebuz. Zwjazkowe ministerstwo za hospodarstwo a energiju (BMWE) a Europska unija stej wotškódnjenje energijoweho koncerna LEAG za dočasne zakónčenje dobywanja miliny z brunicy schwaliłoj, nowinski rěčnik předewzaća wutoru zdźěli. Po prawje EU dóstanje LEAG nětko přiražku we wobjimje dohromady 1,75 miliardow eurow za dobytk, kotryž dočasneho zawrjenja brunicowych milinarnjow dla skomdźi.

Premija za nowonarodźene dźěći

Budyšin. Budyski wyši měšćanosta Karsten Vogt (CDU) je premiju za porody namjetował. Tole wuchadźa z podłožkow za přichodne posedźenje měšćanskeje rady, kiž so přichodnu srjedu wotměje. Wot 2017 je so w sprjewinym měsće lěto a mjenje dźěći narodźiło. Premija ma signalizować, zo je město dźěćom a swójbam napřećo přećelne.

Serbja w fokusu podcasta