Za nowy zwisk hłosowali

Berlin/Drježdźany. Zapósłancy zwjazkoweho sejma su wčera za wutwar noweje železniskeje čary mjez Drježdźanami a Prahu hłosowali. Zaměr je pod Rudnymi horinami tunl we wobjimje 30 kilometrow twarić. Z rozsudom zapósłancow móža fachowcy nětko z tym započeć detaile planować. Hdy chcedźa zamołwići twarić započeć, hišće jasne njeje. Za to ma so financowanje projekta zaručeć.

Sorabicon rozšěrjeny

Budyšin. Serbski institut je swój digitalny portal wědy Sorabicon rozšěrił. Zapřijaty je nětko inwentar ćišćaneho delnjoserbskeho pismowstwa wot spočatkow hač do lěta 2024. Datowa banka podawa mj. dr. bibliografiske informacije a pokiwy wo awtorach kaž tež wotkazy k serbskej bibliografiji. Zaměr instituta je dospołny digitalny tekstowy korpus stawiznow regiona.

Napis „Moskwa“ mnohich myli