Najhorcyše městna Sakskeje

Mužakow. Aktualna žołmy horcoty je kónc tydźenja swój wjeršk docpěła. Najwyšu temperaturu w Sakskej naměrichu w Klitzschenje pola Torgauwa ze 40,3 stopnjemi celsiusa. Mužakow bě ze 40,1 stopnjemi druhe najhorcyše městno w swobodnym staće. Ze 40 stopnjemi wobsadźištej Wojerecy a Lipsk-Holzhausen 3. městno. W Kubšicach naměrichu w nocy wot soboty na njedźelu 29,4 stopnje. To bě najćopliša nóc wot spočatka zapisowanja wjedra.

Jurisch nowy měšćanosta

Njedźichow. Frank Jurisch je nowy měšćanosta Njedźichowa. Wón bě za karnewalowy klub nastupił. W rozsudnych wólbach dósta wón wčera 1 846 hłosow wolerjow a přesadźi so z tym přećiwo kandidatej CDU Thomasej Hainkej. Na wólbach bě so 59,3 procenty wobydlerjow wobdźěliło. Dotalny měšćanosta Harry Habel (CDU) poda so na wuměnk.

Swjedźenski ćah wupadnył