Minister Clemens zasudźeny

Běła Woda. Zarjadniske sudnistwo w Běłej Wodźe je sakskeho kultusoweho ministra Conrada Clemensa (CDU) přespěšneho jězdźenja z awtom dla zasudźiło. Po měnjenju sudnika bě so Clemens w septembrje 2023 w Krušwicy na ilegalnym wubědźowanju wobdźělił. Sudnistwo zasudźi jeho k 8 500 euram pokuty. Nimo toho ma wón 20 jězbnych hodźin absolwować.

Zhromadnje za elektrifikaciju

Berlin. Pod nawodom sakskeje ministerki za infrastrukturu Reginy Kraushaar (CDU) wojuja krajni a zwjazkowi politikarjo z wuchodneje Sakskeje nětko zhromadnje wo elektrifikaciju železniskeje čary mjez Drježdźanami a Zhorjelcom. Zaměr je, zo dóstanjetej projekt a čara w zwjazkowym wobchadnym planje status „prěnjorjadnje trěbnej“.

Prócuja so wo rozrisanje