Wulki zajim za serbšćinu

Budyšin. 23 wobdźělnikow a wobdźělnicow lětušeho mjezynarodneho intensiwneho kursa za serbsku rěč a kulturu je so rozsudźiło, pruwowanje hornjoserbšćiny na jednym z pjeć rěčnych niwow A1 do C1 po europskim referencnym ramiku absolwować. Wčera wotměchu so pisomne pruwowanja, dźensa pak złožichu pruwowancy ertne pruwowanja, kiž su za rěčny certifikat Rěčneho centruma WITAJ trěbne.

Truty maja pomhać

Choćebuz. Awtonomne truty móhli we Łužiskej jězorinje w přichodźe ludźi před zatepjenjom škitać. W nuzowym padźe truty samostatnje startuja, lokalizuja wosoby we wodźe a wotćisnu wuchowanske srědki. Z tutymi „pomocnikami“ chcedźa wuchowansku słužbu podpěrać. Nowy projekt přewjeduja slědźerjo Braniborskeje techniskeje uniwersity Choćebuz-Zły Komorow.

Najkřiwiša wěža swěta w Čěskej?