Spomóžne dešćiki

Sakska. Spadki zašłych dnjow su po cyłej Sakskej k tomu wjedli, zo je so strach lěsnych wohenjow pomjeńšił. Tak płaći we wulkich dźělach Budyskeho a Zhorjelskeho wokrjesa jenož hišće druhi warnowanski schodźenk, štož woznamjenja snadny strach. Hišće před tydźenjom bě strach lěsnych wohenjow suchoty dla w Hornjej Łužicy z blakami na najwyšim schodźenku pjeć.

Wulki zajim na turněrje

Hórki. Za jěchanski a skakanski turněr spočatk septembra w Hórkach su so jěcharki a jěcharjo z pjeć zwjazkowych krajow přizjewili. Kaž konjace towarstwo „Při Klóšterskej Wodźe“ zdźěli, změja we wšitkich 21 pruwowanjach wjace hač 400 startow. Wo titul sakskeho mištra w mnohostronskim jěchanju starobneje klasy U21 wubědźuja so z Francisku Bobkec, Marlene Matikec a Jurjom Bobku třo młodźi Serbja.

Kapički šulam přewostaja