Serbske gmejny najmłódše

Kamjenc. Wobydlerjo gmejny Ralbicy-Róžant su po cyłej Sakskej najmłódši. To wuchadźa ze zdźělenki sakskeho statistiskeho zarjada w Kamjencu. Po tym je přerězk staroby delanskich wobydlerjow 42,3 lěta. Tež Njebjelčanska a Worklečanska gmejna słušatej z přerěznej starobu 43,6 lět k najmłódšim w Sakskej. Starobny přerězk cyłkowneho wobydlerstwa w Sakskej je 47,2 lěće.

Depot změje zběhanku

Słona Boršć. Twarske dźěła za nowy depot dobrowólneje wohnjoweje wobory w Słonej Boršći po planje postupuja. Dźensa za tydźeń woswjeća zběhanku. Na kromje wsy nastawa nowa straža wohnjoweje wobory, hdźež budźe přichodnje městno za dohromady tři jězdźidła. Něhdźe tři miliony eurow město Budyšin dohromady do twara inwestuje. Klětu w nazymje ma nowy depot dotwarjeny być.

Nowe ample připrawja