Preuß sejmikej znapřećiwja

Kamjenc. Kamjenski wyši měšćanosta Michael Preuß (bjezstronski) znapřećiwja přepytowanju wo lěkarskim zastaranju we wokrjesu, kiž bu minjeny tydźeń w Budyskim wokrjesnym sejmiku wob­jednawane. Tamniša chorownja změje jako centrum srěnjeje wulkosće dale wažnu funkciju při zastaranju wjesnych kónčin, Preuß zwurazni. Tež wot sejmika planowana změna nošerstwa Muzeja zapadneje Łužicy jeho zaběra. Wón chce přichod muzeja zawěsćić.

Nowy nawoda w rewěrje policije

Kamjenc. Policajski rada Marco Schulze wot spočatka oktobra Kamjenski policajski rewěr nawjeduje. Wón je w rewěrje wotrostł a znaje Kamjenc a wokolinu města, tež kulturnu mnohotnosć w zwisku ze Serbami. Zo wón nětko powołansce zamołwitosć za region přewozmje, je jemu wutrobita naležnosć. Předewšěm chce Schulze na čłowjeskosć w rewěrje dźiwać a při tym profesionalnje a spušćomnje dźěłać.

Smolerjec kniharnja zawrjena