Crowdfunding-akciju zahajili

Drježdźany. Předsyda Drježdźanskeho towarstwa Stup dale Chrystof Cyž skedźbnja na to, zo su crowdfunding-akciju za zdźerženje dźěćaceje serbskeje dnjoweje skupiny zahajili. Z pjenjezami chcedźa negatiwnu bilancu wurunać, kotraž nasta přemało přizjewjenjow dla. Pod hesłom „Stup dale“ nadeńdźeće akciju na platformje .

Slědy bobrow přizjewić

Budyšin. Přirodoškitna stacija w Njeswačidle namołwja, slědy bobrow přizjewić. Něhdy buchu bobry kožucha a mjasa dla honjene, tak zo je w regionje nimale wutupichu. Před něšto lětami započinachu so – tež z podpěru čłowjeka – zaso nawróćić. Nětko chcedźa z pomocu ludźi bobry lokalizować. Wotpowědny formular je na stronje stacije přistupny.

Myto wětrnikej