Domašcyna nominowana

Drježdźany. Budyska lyrikarka Róža Domašcyna je mjez kandidatkami za Drježdźanske myto lyriki, kotrež wot lěta 1996 kóžde druhe lěto za načasnu němsko- a čěskorěčnu poeziju spožčeja. Wu­znamjenjenje hódnoća „wusahowace hłosy a spěchuje literarnu wuměnu mjez susodnymaj krajomaj“. Zajutřišim, sobotu, so cyłkownje šěsć za lětuše myto nominowanych w Drježdźanskim Domje Ericha Kästnera prezentuje. Dźeń pozdźišo myto tam přepodadźa.

Wjesoła póndźela mytowana

Mnichow. Akcija Happy monday Bautzen­ – Wjesoła póndźela Budyšin dósta­ wosebite myto Hansa Saueroweho myta 2026, ideelne wuznamjenjenje, bjez pjenježneje premije. Dohromady 334 projektow bu za wubědźowanje zapodatych. Pjeć hłownych a runje telko wosebitych mytow hódnoći „iniciatiwy, kotrež pokazuja, kak hodźa so swobodne rumy zhromadnje wuho­tować a za po­wšitkowne derjeměće aktiwizować“.

Starosća so wo přichod dźiwadła