Fabmobil wuznamjenjeny

Zwönitz. Projekt „Serbske jutrowne jejka­ a robotika“, kotryž Fabmobil Budyskeho wokrjesa přewjeduje, bu wčera w Zwönitzu ze Sakskim mytom generacijow wuznamjenjeny. Z dohromady 115 požadanjow bě jury sydom wuzwoliła. We wobłuku projekta Fabmobila, w kotrymž Bosćij Pjaca jako jednaćel skutkuje, posrědkuja starši ludźo młodostnym serbske rjemjesło, młodźi pak pokazuja senioram móžnosće robotiki.

Šćěpjenje pomha

Hannover. Sezona gripy je so zahajiła. Štóž ma wjele kontakta z ludźimi, měł so šćěpić dać, chorobna kasa KKH z hłownym sydłom w Hannoveru wčera poruči. Loni su předewšěm mnozy přistajeni zjawneje słužby, hladarjo w chorownjach a starownjach, kubłarjo abo předawarjo tworow na gripu schorjeli. Šćěpjenje pomha, so wosobinsce škitać.

Parlički wjedu po měsće