Literarne myto za Domašcynu

Drježdźany. Basnicu Róžu Domašcynu su wčera z wuznamnym Drježdźanskim lyriskim mytom počesćili. Hromadźe ze serbskej kolegowku su tež čěskeho basnika Elsa Aids wuznamjenili. Wobaj dźělitej sej mjez sobu premiju 15 000 eurow. Tute němsko-čěske myto su w lěće 1996 załožili a spožča kóžde dwě lěće jednomu němskemu a jednomu čěskemu basnikej. W jeho stawiznach njeje to jenož prěnje dobyće serbskeho awtora, ale bě to zdobom prěnja nominacija za serbsku literaturu.

Spominaja na pogrom 1938

Budyšin. Zarjadowanje na wopominanje pogroma w lěće 1938 smědźa dźensa, póndźelu, na Žitnych wikach přewjesć. Tole je zarjadniske sudnistwo w Drježdźanach minjeny pjatk rozsudźiło. Wokrjes Budyšin bě zarjadowarjej TVBunt spočatnje poprawom zakazało, zo swoje zarjadowanje w času wot 15.20 do 19 hodź. planuje.

Dobu za namjety podlěšili