Ani syć ani internet
Bóšicy. Po cyłej gmejnje Bóšicy nimaja domjacnosće internet a jenož hubjenu mobilnu syć. Přičina toho je, zo njeje na ležownosći něhdyšeje šamotownje we Wětrowje hižo miliny. Wot toho časa je škričkowy sćežor Telekom, kotryž tam steji, tohorunja wotšaltowany. Hišće njeje wotwidźeć, hdy ludźo zaso lěpšu syć a přistup do interneta změja.
Clemens wusudej znapřećiwi
Běła Woda/Zhorjelc. Sakski kultusowy minister Conrad Clemens (CDU) je přećiwo wusudej hamtskeho sudnistwa Běła Woda na krajnym sudnistwje w Zhorjelcu znapřećiwjenje zapodał. Tež statne rěčnistwo njeje z wusudom přezjedne. Clemens bu „zakazaneho wubědźowanja“ dla zasudźeny. Wón bu wosrjedź Krušwicy blisko starownje w awće z 81 km/h lepjeny – 51 km/h wjace hač dowolene.
Wobskóržba zapodata





