Policija (27.12.17)

srjeda, 27. decembera 2017
artikl hódnoćić
(0 )

Ćežke spalenja poćerpjeł

Koblicy. 55lětny Kobličan chcyše wčera rano kachle swojeje dźěłarnje zatepić. Zo by to spěšnišo šło, wužiwaše kapalinu za rjedźenje spinadłow. Po zdaću pak přewidźa wón dymjace žehliwo w kachlach, na čož dóńdźe k rozbuchnjenju, a płomjenja sapachu z kachli. Muž so tak jara spali, zo dyrbjachu jeho ćežko zranjeneho z wuchowanskim helikopterom do chorownje dowjezć.

W šuli škodu načinili

Šěrachow. Na hodownych swjatych dnjach su njeznaći w Šěrachowje po zdaću wostudu pasli a načinichu škodu při zakładnej šuli. Tam běchu škleńcu jednoho wokna rozbili a na dalšim woknje wobškodźichu ramik.

Hładku dróhu njewobkedźbował

Wopaka. We Wopakej bě wodźer Citröena wčera něhdźe w 22 hodź. na zwjazkowej dróze B 96, do směra na Budyšin, kontrolu nad jězdźi­dłom zhubił. Zalodźeneje jězdnje dla poča so suwać a zrazy do štoma. Při tym so wón kaž tež sobujěducy muž a dalša žona so zranichu. Wšitkich třoch dowjezechu do chorownje.

Bjez „papjerow“ z awtom jěł

wozjewjene w: Policija
Prošu přizjewće so, chceće-li komentar podać

Serbska debata

nowostki LND