Policija (30.08.19)

pjatk, 30. awgusta 2019
artikl hódnoćić
(0 )

Pjenjezy kradnyli

Němcy. Do ratarskeho zawoda na Kulowskej dróze w Němcach su so njeznaći w nocy na štwórtk zadobyli. Namócnje wočinichu tam wjacore durje a přepytachu najwšelakoriše kamory. Skónčnje pokradnychu wjace hač tysac eurow. Nimo toho načinichu něhdźe 6 000 eurow wěcneje škody.

Swinjo do awta skočiło

Wojerecy. Na zwjazkowej dróze B 97 bě předwčerawšim wječor 61lětny muž ze swojim Toyotu po puću, jako jemu pola Wojerec blisko noweho kružneho wobchada njejapcy dźiwje swinjo do awta skoči. Šofer so snadnje zrani, je pak so lěkarskeho zastaranja wzdał. Na wosobowym awće nasta něhdźe 8 000 eurow škody.

wozjewjene w: Policija
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND