Policija (21.06.21)

póndźela, 21. junija 2021
artikl hódnoćić
(0 )

Pytaja za mužom

Niža Wjes. W lěsnej kupjeli w Nižej Wsy su wohnjowi wobornicy a policisća pjatk wjacore hodźiny za mužom pytali, kotryž njebě so z kupanja w jězoru na campingowanišćo, hdźež je mějićel parcele, wróćił. Tež nurjerjo su byli zasadźeni. Popołdnju, krótko do dwěmaj běchu jeho ćěło namakali. Nětko so kriminalna policija z padom zaběra.

Harowaka zajeli

Kamjenc. Na Kosakenbüschelu w Kamjencu je sobotu rano po napoł dźewjećich harowak zachadźał, kiž je tam pječa moped powalił. Wobydlerjo běchu policiju wo tym informowali. Zastojnicy zwěsćichu, jako so muža na městnje naprašowachu, zo přećiwo njemu přikaz zajeća předleži. Tón je na městnje radšo pokutu 1 000 eurow zapłaćił, zo njebychu jeho zastojnicy zajeli. Moped njebě wón wobškodźił, ma pak so pospytneho wobškodźenja dla zamołwić.

Sprinter pokradnyli

wozjewjene w: Policija
Prošu přizjewće so, chceće-li komentar podać

nawěšk

nowostki LND