Před dwaceći lětami w Chrósćicach šulski stawk zahajili

Chrósćicy/Budyšin (SN/JaW). Runje dźensa před dwaceći lětami zahajichu w Chrósćicach šulski stawk, kotryž je jako „Chróšćan zběžk“ do serbskich stawiznow zašoł. Měnjenja wo tym, hač bě wón wuspěšny abo hač bě to poražka za Serbow, su dźensa kaž tehdy rozdźělne.

Tehdyši předsyda Domowiny Jan Nuk njeje nadal spokojom, kak bě tehdy wšo wotběžało. „Na tym smy sami wina, njejsmy sej přezjedni“, Radworčan tež nětko hišće praji. Kaž z knihi „Swoboda“, dr. Cordule Ratajczakoweje wuchadźa, běchu po słowach Nuka tehdy strachi, kotrež móhli ze změnow wurosć, tehdy tak wulke, zo lěpšiny skónčnje hižo žanu rólu njehrajachu.