Decentralizacija je bytostny zaměr noweje nawodnicy Němskeje železnicy

Berlin (dpa/SN). „Lěto 2026 budźe lěto wulkeho přetwara“ – to rjekny prěnja ­žona na čole Němskeje železnicy (DB) Evelyn Palla něšto dnjow po tym, zo bě spočatk oktobra nowu poziciju nastupiła. We wčerawšej nowinskej zdźělence je ­wona swoje plany konkretnišo wopisała. Bytostny zaměr je decentralizacija dotalneje organizaciskeje struktury. To rěka: Regionalni nawodźa móža w přichodźe samostatnje operatiwnje a wobchodnisce w swojich regionach skutkować. Na druhim boku dyrbja w přichodźe tež wjace zamołwitosće přewzać, jeli so što njeporadźi a kwalita abo hospodarska bilanca spokojacej njejstej.