Hłowne ćežišćo přichodneho wusyłanja telewizijneho magacina Wuhladko je nowe zrěčenje wo financowanju Załožby za serbski lud, kotrež su zwjazkowy minister Horst Seehofer (CSU) a ministerskaj prezidentaj Sakskeje Michael Kretschmer (CDU) a Braniborskeje Dietmar Woidke (SPD) 20. julija we wobłuku widejoweje konferency podpisali.

Z dalšim přinoškom wěnuja so přihotam na premjeru serbskeje pop-opery „Carpe noctem – Njeskónčna nóc“. Projekt kolektiwa „Trio a Kumple“ a towarstwa Pawk změje 10. septembra premjeru. Stawizniski wobłuk magacina pod hesłom „Kolektiwizacija & Serbja: 60 lět ‚Socialistiske nalěćo‘ w ratarstwje“ wobswětla, kak je so prestižny projekt NDR, wutworić ratarske wulkozawody, na burske swójby we Łužicy wuskutkował. Nimo toho posrědkuja nowinki z Tienšana resp. Pamira, hdźež je so ekspedicija wokoło Eliasa Bětki mjez druhim na 7 134 metrow wysoki Pik Lenin zwažiła.

Telewizija MDR wusyła Wuhladko jutře, sobotu, w 11.45 hodź. Wospjetowani slědujetej póndźelu, 9. awgusta, w 6.10 hodź. w MDR a sobotu, 14. awgusta, w 13.30 hodź. w telewiziji RBB.

5.8.–11.8.2021 Budyski filmowy palast: Woozles Kino mit Wumms: so 15:00 | nj 12:30 Blackpink: nj 15:00 Anime Night – Seven Days War: wu 20:00 Kaiserschmarrndrama: wšědnje 16:50 a 19:30 The Suicide Squad: wšědnje 14:30, 17:00 a 20:15 | pj a so 22:30 Tom & Jerry: nj 14:30 Cash Truck: wšědnje 17:20 a 20:20 | pj a so 22:50 Generation Beziehungsunfähig: wšědnje 20:15 | štw, so, pó a srj 17:20 Spirit – Frei und ungezähmt: wšědnje 15:00 | nj 14:50 | wu a srj 10:15 Ostwind – Der große Orkan: wšědnje 14:30 a 17:30 | nj 12:00 | wu a srj 10:30 Die Olchis – Willkommen in Schmuddelfing!: wšědnje 15:10 | nj 12:45 | wu a srj 10:00 Peter Hase 2 – Ein Hase macht sich vom Acker: wšědnje 14:50 (nimo so a nj) a 17:20 | nj 12:45 | srj 10:15 Der Rausch: wšědnje 19:45 Fast & Furious 9: wšědnje 17:10 a 20:00 | pj a so 22:15 Space Jam – A New Legacy: nj 12:00 | pj, nj a wu 17:20 Die Croods – Alles auf Anfang w 3 D: wšědnje 17:10 Die Croods – ­Alles auf Anfang: wšědnje 14:40 | nj 12:00 | wu a srj 10:15 Godzilla vs. Kong w 3 D: pj a so 19:30 Godzilla vs Kong: wšědnje 19:30 (nimo pj a so | pj a so 22:15 100 % Wolf: pj, nj a wu 15:00 | wu a srj 9:45 Catweazle: wšědnje 14:40 | wu a srj 9:45 A Quiet Place 2: pj a so 22:15 Conjuring 3: Im Banne des Teufels: wšědnje 20:00 (nimo wu) | pj a so 23:00 Yakari: wu a srj 10:30 Malasana 32 – Haus des Bösen: pj a so 23:00 Der Spion: pj a so 22:30

Nišćanske wosobiny w fokusu

Niska. Muzej Niska wěnuje so z nowej wosebitej wustajeńcu „Dźowki a synojo Niskeje – Žiwjenske puće wot 20. lětstotka do přitomnosće“ nowšim lokalnym stawiznam a wosobinam, kotrež su je bytost­nje wobwliwowali. Wotewrjenje přehladki je dźensa w 17 hodź. w Domje Johanna Raschki. Finisaža budźe po nětčišim stawje 21. nowembra na samsnym městnje.

Wo smjertnych rubach Jězusa

Kulow. Z nyšporom wotewru dźensa, pjatk, we 18 hodź. wosebitu wustajeńcu „Wo smjertnych rubach Chrystusowych“ w Kulowskej Křižnej cyrkwi. Zestajało je pře­hladku towarstwo Penuel, kotrež rozu­mi so jako kruh přećelow wěrneho wobliča Jězu Chrysta. Wone slědźi za historiskimi smjertnymi rubami a prócuje so wo to, je – so wě, po dokładnym pru­wo­wanju awtentiskosće – zjawnosći spřistup­nić. Čłonojo tohole towarstwa z wjacorych europskich krajow přewjedu w awgusće w Kulowje swoje lětne schadźowanje. Wustajeńca wostanje hač do kónca měsaca přistupna.

Přehladka wjesneho žiwjenja

Kaž nimale na kóždej šuli změja tež na Pančičansko-Kukowskej zakładnej „Šuli Ćišinskeho“ po lětnich prózdninach nowe digital­ne tafle. Hižo pjatk do prózdnin su tam dotalne krydowe tafle wottwarili a widźomne wostachu sćěny z njebarbjenymi blakami. Zo bychu so dźěći po prózdninach nad nowymi taflemi runje tak radować móhli kaž nad wobarbjenej sćěnu za taflu, su wjacori starši tele dny sćěny pobarbili – na wobrazu su jenož někotři z nich widźeć. Na jeničkim popołdnju su šěsć rumno­sćow cyle w zmysle „Zhromadnje za dźěći“ porjeńšili, za čož słuša jim dźak. Foto: Tomaš Nowak