Přećeljo a swójbni kał tołkali

wutora, 04. oktobera 2016
artikl hódnoćić
(0 )
Zhromadnje kisykał tołkali su minjenu sobotu pola Rynčec w Jaseńcy. Po dwěmaj hodźinomaj běchu wšitke sudobja derje pjelnjene. Foto: Bianka Wjeńcyna Zhromadnje kisykał tołkali su minjenu sobotu pola Rynčec w Jaseńcy. Po dwěmaj hodźinomaj běchu wšitke sudobja derje pjelnjene. Foto: Bianka Wjeńcyna

Spočatk winowca je čas, hdyž ludźo kruš­wy, jabłuka a winowe kiće šćipaja, hdyž morchej a běrny do pincy chowaja a kał předźěłuja. Módry a běły kał drje so zdźěla tež składuje, ale wulki dźěl běłeho kała předźěłuje so nazymu na kisykał. Čas mojeho dźěćatstwa běštej w zymje kisykał k wobjedu a kisała kórka k wječeri nimale jeničkej zeleninowej přiłoze. Zo je kisykał strowy, je dawno znate. Byrnjež sej dźensa kóždy kisykał we wobchodźe za poměrnje mało pjenjez kupić móhł, je w minjenym času samozhotowjenje kisykała w domjacnosćach přiběrało.

Tola hišće rjeńšo hač něhdźe doma w swojej kuchni je tołkanje kała we wjetšej zhromadnosći. To je Florian Rynč hižo před lětami spóznał. Tuž je tež minjenu sobotu znatych a přećelow k sebi na dwór přeprosył, zo bychu kał při lóštnej bjesadźe do keramikowych horncow tołkali. Ličba tych, kotřiž so spočatk oktobra w Rynčec ně­hdyšej bróžni zetkawaja, lěto wob lěto přiběra. Lětsa bě jich 28 ludźi.­ Što dyrbja woni sobu přinjesć? Swójbje abo potrjebje wotpowědowacy hornc, dobru naladu a pjenjezy za snadny obolus.­

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND