Ralbičanscy šulerjo pomhali

pjatk, 12. januara 2018
artikl hódnoćić
(0 )
Pjenježny dar lońšeho wotchadneho lětnika Ralbičanskeje wyšeje šule je na dobro dwójnikow Andrewa a Alexandera Mitaye.  Foto: Christina Smolina Pjenježny dar lońšeho wotchadneho lětnika Ralbičanskeje wyšeje šule je na dobro dwójnikow Andrewa a Alexandera Mitaye. Foto: Christina Smolina

Z pjenježnym darom 205 eurow su wotchadnicy Ralbičanskeje wyšeje šule pomocny projekt w afriskim Malawiju podpěrali a mi přepodali. Tele pjenjezy wužiwam za dweju mótkow, dwójnikow Andrewa a Alexandera Mitaye ze wsy Madisi, kotrajž běštaj w mojim 5. lětniku šulskeho lěta 2012/2013, jako sym sama we wobłuku pomocneho projekta na šuli St. Francis dźěłała a jeju wuwučowała. Wot toho časa jeju podpěruju. Dokelž mataj jenož hišće mać, jimaj tež wyšu šulu z pjenjezami spěchuju. Wobaj staj mudraj hólcaj, čehoždla so nadźijam, zo z dobrymi znamkami za swój lěpši přichod dźěłataj. Wudawki za šulu w Malawiju su so lětsa zaso podróšili, tak zo wučinjeja­ wone nětko na wosobu lětnje 270 eurow. Z wutroby so wjeselu, zo mi lońši Ralbičanscy wotchadnicy pomhaja, dźěl šulskich pjenjez za woneju hólcow zwjesć.

wozjewjene w: Serbski powěstnik
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND