Na konju jěchajo do Konjec

srjeda, 22. meje 2019
artikl hódnoćić
(0 )
W Konjecach a Šunowje wotměchu minjeny kónc tydźenja rjany wjesny swjedźeń, kotryž su njedźelu z dwójnym mejemjetanjom krónowali.  Foto: Janina Wjeselina W Konjecach a Šunowje wotměchu minjeny kónc tydźenja rjany wjesny swjedźeń, kotryž su njedźelu z dwójnym mejemjetanjom krónowali. Foto: Janina Wjeselina

Kóžde lěto znowa tež w Šunowje a Konjecach meju mjetaja. 13 porow młodźiny a 13 dźěćacych poda so tuž minjenu njedźelu popołdnju do Šunowa, zo bychu tam wokoło meje rejwali. K tomu hraješe Pětr Měškank na akordeonje, a znaty­ braška Rajmund Čórlich wjedźeše lóštnje po programje. Meja padny, a jako prěni doběža sej Paul Matka­ po mejski wjeršk a wupyta sej Piju Bjeńšec za swoju kralownu. Młodostni k někotrym serbskim štučkam zarejwachu, a tójšto přihladowarjow k tomu mócnje sobu spěwaše. Kralowski porik poda so na konju jěchajo do Konjec. Mejski­ ćah přihladowarjo spěwajo přewodźachu.

wozjewjene w: Serbski powěstnik
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND