Změna personala pola Energije Choćebuz

póndźela, 22. junija 2020
artikl hódnoćić
(0 )
Fanojo FC Energije Choćebuz smědźa so w přichodnej sezonje na 1,93 metrow wulkeho a robustneho nadběhowarja Nilsa Stettina (srjedźa w běłym trikoće při duelu z hłójčku) wjeselić. 23lětny, kiž hraješe naposledk za FSV Union Fürstenwalde, budźe pola Energije hromadźe z Felixom Brügmannom nadběhować. Hač wostanje stary zajac Dimitar Rangelow we Łužicy, dotal jasne njeje.  Foto: pa/Jan Kaefer Fanojo FC Energije Choćebuz smědźa so w přichodnej sezonje na 1,93 metrow wulkeho a robustneho nadběhowarja Nilsa Stettina (srjedźa w běłym trikoće při duelu z hłójčku) wjeselić. 23lětny, kiž hraješe naposledk za FSV Union Fürstenwalde, budźe pola Energije hromadźe z Felixom Brügmannom nadběhować. Hač wostanje stary zajac Dimitar Rangelow we Łužicy, dotal jasne njeje. Foto: pa/Jan Kaefer

Po tym zo někotři hrajerjo FC Energiju Choćebuz po lěćnej přestawce wopušća (mjez druhim Robert Müller, Jonas Zickert­, Orhan Yildirim a Abdulkadir Beyazit), su zamołwići FC Energije na transferowych wikach wuspěšni byli a dweju noweju koparjow angažowali.

Prěni „nowy“ je Patrick Storb, kiž přińdźe wot U 23 Hamburgskeho SV do Łužicy. 22lětny ma nazhonjenja z połsta hrow w regionalnej lize na sewjeru Němskeje. Storb je 1,92 metrow wulki a w škiće mnohostronsce zasadźomny.

Z nadběhowarjom Nilsom Stettinom je so minjeny tydźeń hrajer mustwa FSV Union Fürstenwalde Energiji Choćebuz přizamknył. W Berlinje rodźeny je w dorosće na wjacorych městnach w stolicy hrał. 23lětny nadběhowar ma nazhonjenja ze 118 partijow w regionalnej lize. W nich je wón 20 wrotow třělił a wosom razow wrota spřihotował. Ze swojimi 1,93 metrami budźe Stettin poboku Fe­lixa Brügmanna w nowej hrajnej dobje na wrotowej hońtwje zasadźeny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND